स्पॅगेटी (Spaghetti)

Here is English Version of this Recipe - http://vadanikavalgheta.googlepages.com/spaghetti


इटालियन रेस्टॉरंटमधे गेले की बरेचदा एकाच प्रकारचा टोमॅटो सॉस घातलेला पास्ता खाणे चिड आणणारा आहे. कित्येक पुस्तकांमधे इतक्या सुंदर सुंदर शाकाहारी पास्ता रेसिपीज असताना हे चेन रेस्टॉरंटवाले फक्त हे असले सॉस मधे डुंबणारे पास्ता नूडल्सच का विकतात हे मला पडणारे एक कोडे आहे. माझ्यापरीने मी स्वतः बर्याच भाज्या घालुन पास्त्याचे बरेच प्रकार करते. बेसील पेस्तो, सनड्राईड टोमॅटो पेस्तो, रोस्टेड बेलपेपर सॉस असे बरेच काही. त्यातलाच हा एक सोपा प्रकार -

Spaghetti

३ भाग स्पॅगेटी *
४ टोमॅटो
१/२ कप मटारदाणे
१/४ कांदा
१ गाजर (किंवा ५-६ बेबी कॅरट्स)
१ पाकळी लसुण
१/२ टीस्पून इटालियन हर्ब मिक्स **
मीठ, मिरपूड चविप्रमाणे
१ टेवलस्पून तेल
१ टेबल्स्पून पाईन नट्स
५ कप पाणी

कृती - एका मोठ्या पातेल्यात पाणी घेउन एक चिमुट मीठ घालून उकळी येउद्या. त्यात स्पॅगेटी नूडल्स घालून शिजुद्या. नूडल्स शिजलेले पाणी १ कप बाजुला ठेवुन बाकीचे चाळणीतून गाळुन नुडल्स बाजुला ठेवा. दरम्यान ३ टोमॅटो बारिक चिरुन घ्या. एक टोमॅटो उभा चिरुन बाजुला ठेवा. कांदा उभा कापा. लसुण बारिक ठेचुन घ्या. गाजर उभे चिरा. आता एका पॅनमधे तेल तापवा, त्यात लसुण आणि कांदा एकदम घाला कांदा बारिक गॅसवर नीट परतवा. त्यावर गाजराचे तुकडे घाला. नीट परतवा. त्यावर टोमॅटो आणि मीठ घालुन टोमॅटो अर्धवट शिजु द्या. इटालियन स्पाईस मिक्स डाव्या हाताच्या पंजावर घ्या आणि दोन्ही हातानी नीट चुरडुन शिजत आलेल्या टोमॅटो सॉसमधे घालावे तसेच मिरीपूड देखील घालावी. आता टोमॅटो नीट शिजले की त्यावर उभे चिरलेले टोमॅटो आणि मटरदाणे घालावेत. सॉस खूप दाट वाटत असेल तर नूडल्स शिजवलेले पाणी जे बाजुला ठेवलेले आहे ते थोडे थोडे घालावे. सॉस सरसरीत असावा म्हणजे नूडल्सना नीट चिकटतो. त्यावर शिजलेले नूडल्स घालावेत आणि हलक्या हाताने नीट मिसळावे. पाईननट्स मिक्सरमधुन जाडेभरडे वाटावेत. ती पावडर नूडल्समधे घालावी. गरम गरम नूडल्स खाण्यासाठी तय्यार.
टीप -
१. यात आवडीप्रमाणे ब्रोकोली, फ्लॉवरचे तुकडे घालण्यास हरकत नाही.
२. घरी टोमॅटो प्युरी किंवा टोमॅटो पेस्ट असेल तर ३ टोमॅटो ऐवजी २ टेबल्स्पून टोमॅटो पेस्ट किंवा ६ टेबलस्पून टोमॅटो प्युरी वापरायला हरकत नाही.
३. पाईन नट्समुळे पास्ता अगदी क्रिमी होतो. पाईन नट्स नसतील तर ४-५ काजु किंवा आक्रोड वापरायला हरकत नाही.


* एका माणसाला किती स्पॅघेटी लागेल ते कसे मोजायचे ते तिथे पहा -
http://www.ehow.com/how_2097117_measure-portion-sizes.html
** मी ट्रेडर जोज मधुन इटालियन हर्ब मिक्स आणुन ठेवले आहे जेव्हा मला ताजे हर्ब्स मिळत नाहीत अथवा घाई असते तेव्हा हे वापरते.

हा सोपा पास्ता वैशालीच्या 'Its a Vegan World - Italian!' Event साठी -

आंबट बटाटा (Sour Potatoes)

कोकणी, केरळी, आणि बंगाली पदार्थांबद्दल मला अतिशय आकर्षण आहे. त्यातल्या त्यात रोजच्या भाज्या वगैरे तर खुपच. मासे खात नसुन देखील मी त्या रेसिपीज वाचते कारण ते करण्याची पद्धत वाचायची उत्सुकता असते. माझ्या एका मैत्रिणीचा, प्रियाचा, मला अतिशय हेवा वाटतो त्याचे एकमेव कारण म्हणजे तिची रूममेट बंगाली आणि जवळचा मित्र मल्याळी आहे. एकाहुन एक सरस पदार्थ तिला पहायला आणि चाखायला मिळतात. खोब-याचा खुप वापर करतात वगैरे कितीही खरे असले तरी एखादेवेळी खाण्यासाठी मला हे पदार्थ आवडतात. असाच एक ब्लॉग सापडला मला - अश्विनीचा -बर्याच कोकणी रेसिपीज आणि मस्त फोटो. एकदम प्रेमातच मी! हळुहळु एकेक पदार्थ करायला लागले. तिने बरेच दिवसात काही लिहिले नाही म्हणुन तिला इमेल देखील पाठवले.त्यातच मला रसचंद्रिका नावाचे एक पुस्तक मैत्रिणीकडुन मिळाले मग काय सपाटाच लावला मी हे पदार्थ करायचा. ही रेसिपी पण अश्विनीची आणि रसचंद्रिका मधुन बघुन जे पटेल ते घेउन केली आहे.



२ मोठे बटाटे
१/४ कप ओले खोबरे
१ टीस्पून मोहरी
१/४ टीस्पून हळद
चविप्रमाणे मीठ
लहान खडा गूळ
१ टीस्पून जिरे
२-३ लाल मिरच्या (चविप्रमाणे कमी जस्त करायला हरकत नाही)
२ टीस्पून मेथ्या (बिया)
१/२ टीस्पून मोहरी
१ टीस्पून तेल
चिमुटभर हिंग
एका लहान लिंबाएवढी चिंच पाण्यात कोळुन

कृती - बटाटे सोलुन त्याच्या फोडी किंवा जाड उभे काप करुन घ्यावेत. एका जाड बुडाच्या पातेल्यात तेल तापवावे त्यात मोहरी, १ टीस्पून मोहरी घालावी. तडतडली की बटाटे घालुन थोडेसे परतावे. त्यावर हळद, मीठ, गूळ, चिंचेचा कोळ घालावे. बटाते बुडतील इतके पाणी घालुन मंद आचेवर बटाटे शिजवावेत. ते शिजत असताना उरलेली १ टीस्पून मेथी भाजुन घ्यावी, तसेच लाल मिरच्या भाजाव्यात. मेथी, खोबरे, मिरच्या मिक्सरवर बारिक वाटावे. बटाटे शिजत आले की त्यात हा वाटलेला मसाला घालुन बारिक गॅसवर उकळावे.
गरम भाताबरोबर अथवा चपातीबरोबर खावे.

टीप -
१. मिरच्यांचा अंदाज नसेल तर लाल तिखट घालावे.
२. मी चिंचेऐवजी आमसूल घालून करुन पाहिली चव छान होते पण आमसुलाचा लालसर रंग येतो तो खुप छान नाही वाटला.
३. एकदा १/२ कप खोबरे घालुन पाहिले पण खुप खोबरे खोबरे वाटले म्हणुन मग मी कमी घालते.

Just For You!

Here is English version of this recipe - http://vadanikavalgheta.googlepages.com/stuffedeggplants(maharashtrianstyle)

Bhakri, VangyachI bhaji, Chutney

आमच्या एका मित्राला, संदीपला, भरल्या वांग्याची भाजी खुप आवडते पण वृषाली, संदीपची बायको, वांग्याचा कोणताही पदार्थ् खाऊ शकत नाही. तिला भाकरी खुप आवडतात पण तो भाकरी कशीबशी खातो. त्या दोघाना खुष करण्यासाठी मधे एकदा भरल्या वांग्याची भाजी आणि भाकरी असा बेत केला होता. काल अचानक आलकाच्या Just For You! event ची announcement पहिली म्हणुन मराठीमधे असलेली रेसिपी इंग्लिशमधे केली आणि आता Just For You! साठी पाठवत आहे.


मुळची मराठी रेसिपी इथे आहे - http://www.vadanikavalgheta.blogspot.com/2007/03/blog-post_7214.html