स्वयंपाकाची तयारी

बरेच दिवसापासुन ब-याच कॉलेजला जाणा-या मित्र-मैत्रिणींकडुन ऐकतेय की स्वयंपाकात खुप वेळ जातो. बाहेरचे खाऊन पोट भरतेच असे नाही. नेहेमी तेच तेच खाउन कंटाळा येतो. तेव्हापासुन विचार करतेय की त्यांना उपयोगी पडेल अशा काही गोष्टी लिहाव्यात म्हणुन. पूर्वतयारीचा थोडाफार भाग आणि भारतीय किराणामालाच्या दुकानात न जाता भारतीय स्वयंपाक आणि इटालियन वगैरे पदार्थ कसे करावेत इत्यादी. सगळेच एका पोस्ट मधे होईलच असे नाही. पण हळुहळु बरेच लिहिन म्हणतेय. तर नमनाला फार तेल न जाळता सुरुवात करते -

* आठवड्याच्या पूर्वतयारीसाठी शनिवारी किंवा रविवारी थोडावेळ राखुन ठेवावा तेव्हा निदान आठवड्याचा किराणा भरुन ठेवावा.
* बटाटे, टोमॅटो, पालक, गाजर, काकडी, बीटरुट, कोबी फ्लॉवर, चायनीज/जापनीज वांगी, ढबु मिरच्या हे आणुन ठेवायला विसरु नये.
* झुकीनी, लाल भोपळा, सरसो (मस्टर्ड ग्रीन्स), चार्ड, लाल मुळा वगैरे पण आणायला हरकत नाही.
* लिमा बीन्स, मिळत असतील तर सोयाबीन, मटारचे दाणे, मिक्स वेजीटेबल पॅक, कापलेले ग्रीन बीन्स हे फ्रोजन सेक्शनमधे मिळतात ते आणुन ठेवावेत.
* करायला सोपे जाते म्हणुन फक्त भात करण्यापेक्षा व्हीट ब्रेड, व्हीट पीटा, व्होल व्हीट टोर्टीया खायला सुरुवात तरी करावी.
* भारतीय दुकानात जायला मिळेल तेव्हा डाळी/ कडधान्याचे मोठे पॅक आणुन ठेवावेत.
* एखादा पास्ता जसे की रॉटीनी, मॅक्रोनी, पेने, बो टाय यापैकी लहान प्रकारातला पास्ता आणुन ठेवावा. स्पगेटी, लिन्ग्विनी हे पास्ता लांब असतात त्यामुळे शिजवण्यासाठी बरेचदा मोठे पातेले लागते.
* पास्त्यासाठी एखादा पास्तासॉस आणुन ठेवावा जसे की मारिनारा, गार्डन ब्लेंड याप्रकारचा कोणताही चालेल.
* एखादा इटालियन स्पाईस ब्लेंड आणुन ठेवण्यास हरकत नाही. कारण एखादेवेळी पस्ता सॉस नसेल तर घरच्या घरी टोमॅटो घालुन पण पास्ता सॉस बनवता येतो.
* छोले, राजमा ही धान्ये शिजवण्याआधी भिजवावी लागतात. तेव्हा ते जमणार नसेल तर छोले, राजमाचे कॅन आणुन ठेववेत. चवळीचे कॅन ब्लॅक आईस पीज या नावाने मिळतात ते आणुन ठेवायला हरकत नाही.
* टोमॅटो प्युरी, टोमॅटो पेस्ट आणुन ठेवल्यास कधीतरी टोमॅटोऐवजी पट्कन भाजीत घालायला बरे पडते.


आता बाकीची तयारी काय करता येईल?

* कुकर लावतेवेळी १ वेळा पुरेल इतकीच डाळ/ कडधान्य शिजवण्यापेक्षा कमीत कमी २ वेळा पुरेल इतकी तरी शिजवावी.
* शिजवलेली डाळ (तुर, मूग, मसूर यापैकी कोणतीही डाळ) शिजवून फ्रिझमधे ठेवावी कधीही फोडणी करुन, तिखट, मीठ घालून आमटी करता येते.
* शिजवलेल्या डाळीत थोडे मिठ, हळद घालुन साधे वरण करता येते
* सांबार मसाला, रस्सम पावडर असेल तर ऐनवेळी सांबार रस्सम करता येते.
* तसेच पालक आणला असेल तर डाळ घालुन शिजवून ठेवता येतो.
* मसूर, मूग, चवळी ही कडधान्ये न भिजवता सरळ कुकरला लावुन शिजवता येतात. ती पण शिजवताना कमीतकमी २ वेळा पुरतील इतके शिजवुन ठेवावेत.
* भात पण वेगवेगळ्या प्रकारचे करत येतात त्यासाठी प्रत्येकवेळी वेगवेगळे मसाले असलेच पाहीजेत अशी गरज नसते.


माझ्या ब्लॉगवरच्या सोप्या रेसिपीज मी एकत्र करुन त्यांना एक लेबल लावले आहे. ते इथे पहायला मिळेल -
Newbie Specials!

अजुन काही महत्वाचे लेबल्स -
रोजचे पदार्थ

झटपट पदार्थ


Comments

  1. :) Good.
    mala barach kahi vicharayacha aahe. Lavakarach tula tras dein.

    ReplyDelete

Post a Comment

Thank you for stopping by my culinary adventures. I appreciate your visits and comments. Please stop by again.