लाल टोमॅटोची भाजी (Red Tomato Curry)

सकाळची भाजी कमी पडणार असेल किंवा पप्पांपुरती असेल तर मग मम्मी आमच्यासाठी ही भाजी करायची. पप्पांना टोमॅटोच्या भाजीत अज्जिबात इंटरेस्ट नसायचा त्यामुळे तेही खूश आणि मला आणि सुबोधला खुप आवडायची म्हणुन आम्ही खूश! पण एक मात्र खरे, ही भाजी मुद्दाम ठरवून केली की अजिबात ती चव येत नाही. पट्कन काहीतरी हवे म्हणुन २ टोमॅटो चिरावेत एखादा पाकळी लसुण ठेचावा आणि करावी तिच चव खरी!
Tomato Bhaji
२ मोठे पिकलेले टोमॅटो
१-२ लसूण पाकळ्या चिरुन
१/२ कांदा (वगळला तरी हरकत नाही)
१ चमचा दाण्याचे कुट
फोडणीसाठी थोडे तेल, जिरे, मोहरी, हिंग, हळद
१/२ टीस्पून गोडा मसाला
चवीप्रमाणे मीठ, लाल तिखट, साखर

कृती - कांदा, टोमॅटो चिरुन घ्यावा. लसुण ठेचुन घ्यावा. एका कढईत तेलाची जिरे, मोहरी, हिंग, हळद घालुन फोडणी घालावी. त्यातच ठेचलेला लसुण घालुन थोडे परतावे. कांदा घालणार असाल तर तो परतुन घ्यावा. वरुन चिरलेला टोमॅटो, लाल तिखट, मीठ, साखर आणि गोडा मसाला घालावा. नीट परतावे. टोमॅटो शिजायला खुप वेळ लागत नाही. साधारण ३-४ मिनीटे परतून दाण्याचे कूट घालावे. मिसळून गॅस बंद करावा.

टीप - १. टोमॅटो नीट पिकलेले असतील तर ही भाजी एकदम चविष्ट लागते.
२. मसाले वगैरे न घालता पण ही भाजी मस्त लागते.
३. भाजी थोडी पातळ चालणार असेल तर गॅस बारीक करुन शिजवावी आणि थोडी दाट हवी असेल तर गॅस मोठा करून शिजवावी.

Comments

  1. Yummy! आमच्या घरी पण ही भाजी quick-fix म्हणून आवडती होती. आई साखरेऐवजी गूळ घालत असे. खूप दिवसात खाल्ली नाही. केलीच पाहिजे आता!

    ReplyDelete
  2. BTW, हे भांडं 'घरी पाडलेलं' आहे का? :)

    ReplyDelete
  3. majhyaa blog madhale 80% bhandi ghari padaleli asatat :)

    ReplyDelete
  4. aaj hee bhajee pahilyanda blog warun shodhun kaadhalee aani kelee. :) bhaandyat shevati malaa bhajee urali naahee itaki muleelaa aani navaryala aavadalee. :) fakta mee goda masala ghatala naahee.
    Seema

    ReplyDelete
  5. Your site is really helping me in Germany to prepare Indian Food. It would be nice if you put up some non-veg recipes to. Everyday I search your web site and decide what to cook at home.
    Thank you. :)

    ReplyDelete
    Replies
    1. Hi Chaitanya, thank you for the compliments! As I do not eat or cook non-veg or eggs, they will never get showcased here :)

      Delete

Post a Comment

Thank you for stopping by my culinary adventures. I appreciate your visits and comments. Please stop by again.